Binasa sa huling araw ng ika-6 ng Pambansang BAKAS Seminar-Worksyap sa St. Paul College, Makati, ika-25 ng Abril, 2008, apat na araw bago ang ika-74 na taong kaarawan ni Dr. Zeus A. Salazar (mga kuhang larawan ni G. Michael Charleston B. Chua)
KIDLAT NG LIWANAG
Ni Dr. Regulus "Ted" Tantoco
Tulad ng Grekong Diyos
Pangalan mo'y hinangong lubos
Kidlat ng Liwanag
Ang iyong dulot
Sa kamalayang
Lito sa pag-inog.
Pantayong Pananaw
Hinango sa dilim
Ang lisyang paggagap
Sa kasaysayang atin
Sa wakas luminaw
Nalirip din natin
Ang masuyong daloy
Ng Nakaraang sikil
Salamat sa liwanag
Amin nang banaag
Ang dakilang agos
Ng Bayang nagpuyos
Humanap ng laya
Makakamit ding lubos
Dakila ka Dr. Salazar
Paghanga't paggalang, marubdob at taos.
-4.25.08
